മെയ് 10 ന് തിയ്യേറ്ററുകളിൽ എത്തിയ ‘പെരുമാനി’ ഗംഭീര പ്രദർശനം തുടരുന്നു. പെരുമാനി എന്ന ഗ്രാമവും അവിടത്തെ ജനതയും കടന്നുപോകുന്ന ജീവിത സാഹചര്യങ്ങളെ പ്രമേയമാക്കിക്കൊണ്ട് മജു സംവിധാനം ചെയ്യുന്ന ഏറ്റവും പുതിയ ചിത്രമാണ് ‘പെരുമാനി.’ ശാന്തപൂർണ്ണമായ പെരുമാനി ഗ്രാമത്തിൽ ഒരു പോസ്റ്റർ പതിക്കുന്നതും അതിനോടനുബന്ധിച്ച് നടക്കുന്ന കലഹവുമാണ് പ്രമേയം. കഥയിലും കഥപറയുന്ന രീതിയിലും കഥാപാത്രങ്ങളും തികച്ചും വ്യത്യസ്തത പുലർത്തിയതാണു സിനിമയുടെ സവിശേഷതയെന്ന് പ്രേക്ഷകർ അഭിപ്രായപ്പെട്ടു. സണ്ണി വെയ്ൻ, ലുക് മാൻ അവറാൻ തുടങ്ങിയവരാണ് പ്രധാന കഥാപാത്രങ്ങൾ.
സണ്ണി വെയ്നും അലൻസിയറും പ്രധാനകഥാപാത്രമായി മജു സംവിധാനം ചെയ്ത ചെയ്ത ഹിറ്റ് സിനിമ ‘അപ്പന്’ ശേഷം പ്രേക്ഷകരിലേക്ക് എത്തുന്ന ചിത്രമാണ് പെരുമാനി. മജു തന്നെയാണ് ചിത്രത്തിന് തിരക്കഥ ഒരുക്കുന്നതും. യൂൻ വി മൂവീസും മജു മൂവീസും ചേർന്നാണ് അവതരിപ്പിച്ചത്. ഫിറോസ് തൈരിനിൽ നിർമ്മാണവും ചെയ്യുന്നു. ഒരു ഫാന്റസി ഡ്രാമ കൂടിയാണ് പെരുമാനി. സണ്ണി വെയ്ൻ, ലുക്മാൻ അവറാൻ, വിനയ് ഫോർട്ട് എന്നിവരാണ് ചിത്രത്തിൽ പ്രധാനകഥാപാത്രങ്ങളായി എത്തുന്നത്. ദീപ തോമസ്, നവാസ് വള്ളിക്കുന്ന്, രാധിക രാധാകൃഷ്ണൻ, ഫ്രാങ്കോ, വിജിലേഷ് തുടങ്ങിയവർ ആണ് മറ്റ് പ്രാധാന കഥാപാത്രങ്ങൾ. ഛായാഗ്രഹണം മനേഷ് മാധവൻ, സംഗീതം ഗോപി സുന്ദർ, ഗാനരചന മുഹ്സിൻ പെരാരി.
