ഡിസംബർ ഒന്നിന് തിയ്യേറ്ററിലേക്കിറങ്ങിയ ‘ആൻറണി’യെ ആവേശപൂർവ്വം സ്വീകരിച്ചിരിക്കുകയാണ് പ്രേക്ഷകർ. ജോഷി- ജോജു ജോർജ്ജ് കൂട്ടുകെട്ടിൽ പുറത്തിറങ്ങിയ ഈ ചിത്രം പ്രേക്ഷകർ ഏറ്റെടുത്തുകഴിഞ്ഞു. മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. ഈ അവസരത്തിൽ തിയ്യേറ്ററുകളിൽ ഷോ കൂട്ടാനുള്ള ഒരുക്കത്തിലാണ് അണിയറ പ്രവർത്തകർ. ബോക്സോഫീസിൽ ഹിറ്റ് ചാർട്ട് നേടിക്കൊണ്ടിരിക്കുന്ന ആൻറണി 2023- ലെ മികച്ച സിനിമയെന്ന് പ്രേക്ഷകർ തന്നെ ഇതിനോടകം പ്രഖ്യാപിച്ചു കഴിഞ്ഞു. കിടിലൻ ഫാമിലി ആക്ഷൻ മൂവിയാണ് ആൻറണി.
2019- ജോഷി സംവിധാനം ചെയ്ത ‘പൊറിഞ്ചുമറിയം ജോസി’ലെ അതേ താരങ്ങൾ തന്നെയാണ് ആൻറണിയിലും പ്രധാനകഥാപാത്രങ്ങളായി എത്തുന്നത്. കൂടാതെ കല്യാണി പ്രിയദർശൻ, ആശ ശരത്, തുടങ്ങിയവരും ചിത്രത്തിൽ പ്രധാന റോളിൽ എത്തുന്നുണ്ട്. ആൻറണിയായി ജോജു ജോർജ്ജ് എത്തുന്നു. ജോജുവിന്റെ കരിയറിലെ ബിഗ് ബജറ്റ് ചിത്രമായിരിക്കുകയാണ് ആന്റണി. പൊറിഞ്ചുവില് അഭിനയിച്ച ചെമ്പന് വിനോദ്, നൈല ഉഷ, വിജയരാഘവന് എന്നിവര്ക്കൊപ്പം ആശ ശരത്തും കല്യാണി പ്രിയദര്ശനും ചിത്രത്തില് അണിനിരക്കുന്നു. ചിത്രത്തിന്റെ രചന രാജേഷ് വര്മ്മയും ഛായാഗ്രഹണം രണ ദിവേയും എഡിറ്റിങ് ശ്യാം ശശിധരനും സംഗീത സംവിധാനം ജേക്സ് ബിജോയിയും പ്രൊഡക്ഷന് കൊണ്ട്രോളര് ദീപക് പരമേശ്വരനുമാണ്. ഐന്സ്റ്റീന് മീഡിയയുടെ ബാനറില് ഐന്സ്റ്റീന് സാക് പോള് ആണ് ചിത്രത്തിന്റെ നിര്മാണം.
