അറുപതോളം നവാഗതരൊന്നിക്കുന്ന ‘സോറി’ റിലീസിനൊരുങ്ങുന്നു  

അറുപതോളം നവാഗതർ ഒന്നിച്ചു ചേർന്ന് ഒരുക്കുന്ന ചിത്രം ‘സോറി’ തിയ്യേറ്ററിലേക്ക്. കേരള ചലച്ചിത്ര അക്കാദമി 2022 ൽ നടത്തിയ IDSFFK ൽ ഔദ്യോഗിക തിരഞ്ഞെടുപ്പിന് അർഹമായ ‘കാളിയൻകുന്ന്’ എന്ന ഹ്രസ്വചിത്രം ഈ കൂട്ടായ്മയിൽ നിന്നും പിറന്നതാണ്. ഒരു ഡ്രാമ ത്രില്ലർ ചിത്രമായിരിക്കും  ‘സോറി’ എന്നു അണിയറപ്രവർത്തകർ പറയുന്നു. അക്ഷയ് ചന്ദ്രശോഭ അശോക് ആണ് ചിത്രത്തിന് രചനയും സംവിധാനവും നിർവഹിച്ചിരിക്കുന്നത്. ആരോമൽ ദേവരാജ്, അശ്വിൻ മോഹൻ, അഷ്കർ അലി, അമൽ കെ ഉദയ്, തുടങ്ങിയവരാണ് ചിത്രത്തിൽ അഭിനയിച്ചിരിക്കുന്നത്. ഛായാഗ്രഹണം അരുൺരാംദാസ്, പശ്ചാത്തല സംഗീതം സംവിധായകൻ കമൽ അനിൽ.