മലബാറിന്റെ പശ്ചാത്തലത്തില് നിര്മ്മിച്ച് ഷംസു സെയ്ബ സംവിധാനം ചെയ്യുന്ന ചിത്രം അഭിലാഷത്തിന്റെ ഷൂട്ടിങ്ങ് കോഴിക്കോട് മുക്കത്ത് പുരോഗമിക്കുന്നു. സെക്കന്റ് ഷോ പ്രൊഡക്ഷന്സിന്റെ ബാനറില് ആന് സരിഗ ആന്റണിയും ശങ്കര് ദാസും ചേര്ന്ന് നിര്മ്മിക്കുന്ന ചിത്രത്തില് അര്ജുന് അശോകന്, ഉമ കെ പി, ബിനു പപ്പു, അഡ്വ” ജയപ്രകാശ് കുളുര്, നാസര് കര്ത്തേനി, നവാസ് വള്ളിക്കുന്ന്, ശീതള് സഖറിയ തുടങ്ങിയവര് പ്രധാന കഥാപാത്രങ്ങളായി എത്തുന്നു. ജിനിത് കാച്ചപ്പിള്ളിയുടെതാണ് തിരക്കഥ.
മുക്കത്തിനടുത്തുള്ള അരീക്കുളങ്ങര ഗ്രാമത്തിലെ പഴ തറവാട്ടിലാണ് ചിത്രീകരണം ആരംഭിച്ചത്. ചിത്രത്തിന്റെ പൂജ കര്മ്മങ്ങളില് നിര്മ്മാതാക്കള് ഭദ്രദീപം തെളിയിച്ചു. സംവിധായകന് അരുണ്ഗോപി സ്വിച്ചോണ് കര്മ്മവും അശോകന് നെല്സണ്, ബിനോയ് പോള് എന്നിവര് ആദ്യ ക്ലാപ്പും നല്കി. വരികള്: ഷറഫു, സുഹൈല് കോയ, സംഗീതം ശ്രീഹരി കെ നായര്, ഛായാഗ്രഹണം സജാദ് കാക്കു. മലബാറിലെ മധ്യവര്ഗത്തില് പെട്ട രണ്ട് കുടുംബങ്ങളുടെയും അതിനിടയിലെ പ്രണയവും അഭിലാഷ് എന്ന ചെറുപ്പക്കാരന്റേയും ജീവിതകഥയാണ് ‘അഭിലാഷം’ എന്ന ചിത്രത്തില്.
