കുടുംബ പ്രേക്ഷകരക്കിടയിൽ പ്രിയങ്കരനായ ജയറാം നായകനാകുന്ന പുതിയ ചിത്രം ചിത്രം അബ്രഹാം ഓസ് ലർ 2024 ജനുവരി പതിനൊന്നിന് തിയ്യേറ്ററുകളിലേക്ക് പ്രദർശനത്തിന് എത്തും. മിഥുൻ മാനുവേൽ സംവിധാനം ചെയ്ത ഈ ചിത്രം ഒരു മെഡിക്കൽ ത്രില്ലർ ജോണറിലുള്ള മൂവിയാണ്. ഹിറ്റ് ചിത്രമായ അഞ്ചാം പാതിരയ്ക്ക് ശേഷം മിഥുൻ മാനൂവൽ സംവിധാനം ചെയ്യുന്ന ചിത്രമാണിത്. അടുത്തിടെ പുറത്തിറങ്ങിയ ഗരുഡൻ, ഫീനിക്സ് എന്നീ ചിത്രങ്ങളുടെ തിരക്കഥ മിഥുൻ മാനുവലിന്റെതാണ്.
ഒരു ചെറിയ ഇടവേളയ്ക്ക് ശേഷം ജയറാം അഭിനയിക്കുന്ന ചിത്രം കൂടിയാണ് അബ്രഹാം ഓസ് ലർ. അബ്രഹാം ഓസ് ലർ എന്ന പോലീസ് ഉദ്യോഗസ്ഥനായാണ് ജയറാം എത്തുന്നത്. അർജുൻ അശോകൻ, സെന്തിൽ കൃഷ്ണ, ജഗദീഷ്, അനശ്വര രാജൻ, അർജുൻ നന്ദകുമാർ, ആര്യ സലീം, അസീം ജമാൽ തുടങ്ങിയവർ ചിത്രത്തിൽ അഭിനയിക്കുന്നു. തിരക്കഥ ഡോ. രൺധീർ കൃഷ്ണ യുടേതാണ്. നേരംമ്പോക്കിന്റെ ബാനറിൽ ഇർഷാദ് ഹസ്സനം, മിഥുൻ മാനുവൽ തോമസും ചേർന്ന് നിർമ്മിക്കുന്നു. സംഗീതം മിഥുൻ മുകുന്ദൻ, ഛായാഗ്രഹണം തേനി ഈശ്വർ, എഡിറ്റിങ് ഷമീർ മുഹമ്മദ്.
