വിന്ഡര്ഫെല് പ്രൊഡക്ഷന്സിന്റെ ബാനറില് കെ ടി ഷാനൂല് നിര്മ്മിച്ച് അഷ്കര് അലി നായകവേഷത്തില് എത്തിയ ‘AD19’ പ്രേക്ഷക ശ്രദ്ധ നേടുന്നു. ഏറനാട്ടിലെ ജന്മിത്തത്തിനും ബ്രിട്ടീഷ് കോളനി വാഴ്ചയ്ക്കുമെതിരെ 1921- ല് ധീരമായി പോരാടി 14 വര്ഷത്തോളം സെല്ലുലാര് ജയില് ശിക്ഷയനുഭവിച്ച സ്വാതന്ത്ര്യസമര സേനാനി യിലൊരാളായ കുണ്ടില് അഹമ്മദ് കുട്ടിയുടെ ജീവചരിത്രമാണ് ‘AD19’എന്ന ചിത്രത്തില്.
1921- ലെ കാലഘട്ടത്തിന്റെ വാര്പ്പ് മാതൃക പുന:സൃഷ്ടിച്ചാണ് ചിത്രം നിര്മ്മിച്ചിരിക്കുന്നത്. അരീക്കോടുള്ള മിക്ക കലാകാരന്മാരും ചിത്രത്തില് അഭിനയിച്ചിട്ടുണ്ട്. അരീക്കോടും എറാനട്ടിലുമായാണ് ‘AD19’ ചിത്രീകരിച്ചത്. ചിത്രത്തിന്റെ രചനയും സംവിധാനവും നിര്വഹിച്ചത് ഷബീബ് എ ആര് ഡി ആണ്.
ടീന്സ് എം തോമസ്, ഹംസത്തലി, ഗോപിക പ്രമോദ്, ശ്രുതി ബൈജു, രതീഷ് മഞ്ചേരി, ഷറഫുദ്ദീന് കോളിയാടന്, സനൂജ്, തുടങ്ങിയവരും ചിത്രത്തില് മറ്റ് പ്രധാന കഥാപാത്രങ്ങളായി എത്തുന്നു. ക്യാമറ ടി ആന്റണി ജോസഫും ഷെഫീഖ് കെ സി മഞ്ചേരിയും എഡിറ്റിങ് ഹബീബിയും നിര്വഹിക്കുന്നു. ആറ് ലക്ഷം മുടക്കികൊണ്ട് ലോ ബജറ്റില് നിര്മ്മിച്ച ചരിത്ര സിനിമ എന്ന പ്രത്യേകത കൂടിയുണ്ട് ഈ ചിത്രത്തിന്.
