69- മത് ദേശീയ ചലച്ചിത്ര പുരസ്കാരം വ്യാഴായ്ച അഞ്ചുമണിക്ക് ഡെല്ഹിയില് നടക്കുന്ന വാര്ത്താസമ്മേളനത്തില് വെച്ച് പ്രഖ്യാപിക്കും. ജയ് ഭീം എന്ന ചിത്രത്തിലൂടെ മികച്ച അഭിനയം കാഴ്ച വെച്ച സൂര്യയും ലിജോ മോളുമാണ് അന്തിമ പട്ടികയില് ഉള്ളതെന്നാണ് സൂചനകള്. സൂരറൈ പോട്ര് എന്ന ചിത്രത്തിലൂടെ മികച്ച നടനുള്ള ദേശീയ പുരസ്കാരം കഴിഞ്ഞ വര്ഷം സൂര്യയ്ക്കാണ് ലഭിച്ചത്. കൂടാതെ മലയാളത്തില് നിന്നും നായാട്ട്, മിന്നല് മുരളി, മേപ്പടിയാന്, എന്നീ ചിത്രങ്ങളും ഉള്പ്പെട്ടിട്ടുണ്ട്. മികച്ച നടനുള്ള അവാര്ഡ് പട്ടികയില് ജോജു ജോര്ജ്ജും ഉണ്ടെന്ന വാര്ത്തകളും പുറത്തു വരുന്നുണ്ട്.
ഐ എസ് ആര് ഒ മുന് ശാസ്ത്രജ്ഞന് നമ്പി നാരയണന്റെ ജീവിതകഥ പറയുന്ന ‘റോക്കട്രി: ദ നമ്പി എഫെക്ട്’ എന്ന ചിത്രത്തിലെ ആര് മാധവനും കശ്മീര് ഫയല്സ് എന്ന ചിത്രത്തിലെ അഭിനയത്തിനു അനുപം ഖേരും മികച്ച നടനുള്ള പട്ടികള് സ്ഥാനം പിടിച്ചിട്ടുണ്ടെന്നാണ് സൂചന. ഓസ്കര് അവാര്ഡ് നേടിയ രാജമൌലിയുടെ ‘ആര്. ആര്. ആര് മല്സരത്തിനുണ്ട്. മികച്ച സംഗീത സംവിധാനത്തിനുള്ള മല്സരത്തിന് കീരവാണിയുടെ പാട്ടുകളുമെത്തുന്നു. മികച്ച നടിക്കുള്ള മല്സരത്തിന് അന്തിമമായി ഇടംനേടിയത് ഗംഗുഭായ് കത്തിയവാഡിയിലെ ആലിയ ഭട്ടും തലൈവിയിലൂടെ കങ്കണ റനൌട്ടും ആണ്.
