2024-  ഐ ഐ എഫ് എ തെന്നിന്ത്യൻ ചലച്ചിത്ര ആഘോഷം അബുദാബിയിൽ

2024- ലെ ഐ ഐ എഫ് എ തെന്നിന്ത്യൻ ചലച്ചിത്ര ആഘോഷം സെപ്തംബർ 6, 7 തീയ്യതികളിൽ അബുദാബിയിലെ യാസ് ഐലഡിൽ വെച്ച് നടക്കും. മലയാളം, തമിഴ്, തെലുങ്ക്, കന്നട, എന്നീ നാലുഭാഷകളിലെ സിനിമകൾ 2024 ജൂൺ 4 വരെ നോമിനേഷന് നൽകാം. ഈ ഭാഷകളിലെ മികച്ച സിനിമകളെയും പ്രതിഭകളെയും ആദരിക്കുന്നതിനായി ടോളറൻസ് ആൻഡ് കൊ എക്സിസ്റ്റൻസ് മന്ത്രിയായ ശൈഖ് നഹ്യാൻ മബാരക് അൽ നഹ്യന്റെ  മേൽനോട്ടത്തിലാണ് ഐ ഐ എഫ് ഐ അവാർഡ് 2024 നടത്തുന്നത്. പ്രേക്ഷകർക്കായി ഈ ദൃശ്യവിരുന്നു ഒരുക്കുന്നത് അബുദാബിയിലെയും മിറാലിയിലെയും കൾച്ചറൽ ആൻഡ് ടൂറിസം വകുപ്പ് ആണ്. ഗ്രാൻഡ് ഓപ്പണിങ് ദിനത്തിൽ മലയാളത്തിലെയും  തമിഴിലെയും താരങ്ങളും അടുത്ത ദിവസം കന്നടയിലെയും തെലുങ്കിലെയും താരങ്ങളും അരങ്ങിലേക്കെത്തും. ഗ്ലോബൽ ടൂറിനുള്ള ടിക്കറ്റുകൾ പൊതുജനങ്ങൾക്ക്  ഇപ്പോൾ ലഭ്യമാണ്.