20- വർഷത്തിന് ശേഷം റീ റിലീസിനൊരുങ്ങി മോഹൻലാൽ- ശ്രീനിവാസൻ ചിത്രം ‘ഉദയനാണ് താരം’

മോഹൻലാലും ശ്രീനിവാസനും തകർത്തഭിനയിച്ച ചിത്രം ഉദയനാണ് താരം റീ റിലീസിന് ഒരുങ്ങുന്നു. മലയാള സിനിമയെ നർമ്മത്തിലാറാടിച്ച ഹാസ്യാത്മക ചിത്രമാണ് ഉദയനാണ് താരം. റോഷൻ ആൻഡ്രൂസ് സംവിധാനം ചെയ്ത ഈ ചിത്രം കാൾട്ടൺ ഫിലിംസിന്റെ ബാനറിൽ സി. കരുണാകരനാണ് നിർമ്മിച്ചത്. എക്കാലത്തെയും മലയാള സിനിമായിൽഡേ ഹിറ്റ് ചിത്രങ്ങളുടെ പട്ടികയിലാണ് ഉദയനാണ് താരം എന്ന ചിത്രത്തിന്റെയും സ്ഥാനം. ഉദയഭാനു, സരോജ് കുമാർ എന്നിവരുടെ സിനിമയിലൂടെ ജീവിതമാണ് മറ്റൊരു സിനിമയിലൂടെ റോഷൻ ആൻഡ്രൂസ് കാണിച്ചു തന്നത്. ഫെബ്രുവരിയിൽ 4 k ദൃശ്യമികവോടെ തിയ്യേറ്ററുകളിൽ എത്തും. നിരവധി ഹിറ്റ് ഗാനങ്ങളും ഒട്ടനവധി പുരസ്കാരങ്ങളും നേടിയ ചിത്രമാണ് ഉദയനാണ് താരം. ശ്രീനിവാസന്റേതായിരുന്നു തിരക്കഥ. ഉദായഭാനുവായി മോഹൻലാലും സരോജ് കുമാർ എന്ന രാജപ്പനായി ശ്രീനിവാസനും അഭിനയിച്ചു. മീന, മുകേഷ്, ഭാവന, ഇന്ദ്രൻസ്, സലീം കുമാർ, എന്നിവരും മികച്ച അഭിനയം കാഴ്ച വെച്ച ചിത്രം കൂടിയാണിത്. ഗാനരചണ കൈതപ്രവും സംഗീതം ഔസേപ്പച്ചനും നിർവഹിച്ചു.