ഹൈ ഹോപ്സ് ഫിലിം ഫാക്ടറിയുടെ ബാനറിൽ ബോണി അസ്സനാർ, സോണിയൽ വർഗീസ്, റോബിൻ തോമസ് എന്നിവർ ചേർന്ന് നിർമ്മിച്ച് സൈനു ചാവക്കാടൻ സംവിധാനം ചെയ്യുന്ന ചിത്രം ‘ആരോട് പറയാൻ ആര്’ കേൾക്കാൻ’ എന്ന ചിത്രത്തിന്റെ ട്രൈലെർ പുറത്തിറങ്ങി. സാജു നവോദയ (പാഷാണം ഷാജി ), രഞ്ജിനി ജോർജ്ജ് എന്നിവരാണ് ചിത്രത്തിൽ പ്രധാന കഥാപാത്രങ്ങളായി എത്തുന്നത്.
നവംബർ ആദ്യവാരത്തിൽ ചിത്രം തിയ്യേറ്ററുകളിലേക്ക് എത്തുമെന്ന് അണിയറപ്രവർത്തകർ അറിയിച്ചു. ചിത്രത്തിന്റെ പോസ്റ്റ്‌ പ്രൊഡക്ഷൻ പൂർത്തിയായി. ചിത്രത്തിന്റെ കഥ ബിന്ദു എൻ കെ പയ്യന്നൂരും തിരക്കഥയും സംഭാഷണവും സലേഷ് ശങ്കർ എങ്ങണ്ടിയൂരും നിർവഹിക്കുന്നു. ഒരു റൊമാന്റിക് ത്രില്ലർ ചിത്രം കൂടിയാണ് ആരോട് പറയാൻ ആര് കേൾക്കാൻ. ഹൈസിൻ ഗ്ലോബൽ വെൻചെഴ്സ് ചിത്രം വിതരണം ചെയ്യുന്നു. എഡിറ്റിംഗ് വൈശാഖ് രാജൻ, ക്യാമറ ജിജോ ഭാവചിത്ര, സംഗീതം &പശ്ചാത്തല സംഗീതം ബിമൽ പങ്കജ്, ഗാനരചന ഫ്രാൻസിസ് ജിജോ.
