സംവിധായകൻ വത്സൻ കണ്ണേത്ത് അന്തരിച്ചു

ചലച്ചിത്ര സംവിധായകൻ വത്സൻ കണ്ണേത്ത് അന്തരിച്ചു. 73 വയസ്സായിരുന്നു. 1984 ഓഗസ്ത് 19 ൽ പുറത്തിറങ്ങിയ ശ്രദ്ധേയമായ ‘എന്റെ നന്ദിനിക്കുട്ടി’ എന്ന സിനിമ സംവിധാനം ചെയ്തത് ഇദ്ദേഹമായിരുന്നു. ശനിയാഴ്ച രാത്രി 11- മണിക്ക് ആണ് അന്ത്യം. കോലഞ്ചേരി മെഡിക്കൽ കോളേജിൽ ചികിത്സയിൽ ആയിരുന്നു. എന്റെ നന്ദിനിക്കുട്ടി എന്ന ചിത്രത്തിന്റെ നാല്പതാം വാർഷികം വരാനിരിക്കവേ ആയിരുന്നു അദ്ദേഹം വിടപറഞ്ഞത്. തിരുവനന്തപുരം മേരിലാന്ഡ് സ്റ്റുഡിയോയിൽ നിർമാതാവും സംവിധായകനുമായ പി. സുബ്രഹ്മണ്യത്തിന്റെ കീഴിൽ സിനിമ അഭ്യസിച്ചു തുടങ്ങി. കൂടാതെ പൂനെ ഫിലിം ഇൻസ്റ്റിറ്റ്യൂട്ടിൽ പഠനം പൂർത്തിയാക്കിയിട്ടുണ്ട്. തുടർന്ന് തോപ്പിൽ ഭാസി, ശശികുമാർ, എം കൃഷ്ണൻ നായർ, പി എൻ സുന്ദരം, ലിസ ബേബി, എ. ഭീoസിംഗ് എന്നിവവരുടെ കീഴിലും അസിസ്റ്റന്റ് സംവിധായകനായി പ്രവർത്തിച്ചു. എന്റെ നന്ദനീക്കുട്ടിയിലെ ‘പുഴയൊരഴകുള്ള പെണ്ണ്, എന്ന ഹിറ്റ് ഗാനം ശ്രദ്ധേയമാണ്. ഭാര്യ- വത്സ, മകൻ- അരുൺ കണ്ണേത്ത്. സംസ്കാരം പുത്തൻകുരിശ് സെയിന്റ് പീറ്റേഴ്സ് ആൻഡ് സെയിന്റ് പോൾസ് ഓർത്തഡോക്സ് പള്ളിയിൽ വെച്ച് നടന്നു.