വെന്നിക്കൊടി പാറിച്ച് ‘ആവേശം’ ഇരുപത്തിയഞ്ചാം ദിവസത്തിലേക്ക്;  രംഗണ്ണനെ നെഞ്ചിലേറ്റി പ്രേക്ഷകർ

ജിത്തുമാധവൻ സംവിധാനം ചെയ്ത് ഫഹദ് ഫാസിൽ പ്രധാനകഥാപാത്രമായി എത്തിയ ആവേശം ഇരുപത്തിയഞ്ചാം ദിവസത്തിൽ മുന്നോട്ട്. മലയാളികൾ തിയ്യേറ്ററിൽ ആവേശപൂർവം സ്വീകരിച്ച ചിത്രമാണ് ആവേശം. ഫഹദ് ഫാസിലിന്റെ കരിയറിൽ ഹിറ്റ് ചിത്രങ്ങളിൽ ഒന്നാണ് ഇത്. ഫഹദിന്റെ രംഗണ്ണൻ എന്ന കഥാപാത്രത്തെ പ്രേക്ഷകർ ഇതിനോടകം ഏറ്റെടുത്തു കഴിഞ്ഞു. ഏപ്രിൽ 11-ന് ആണ്  ചിത്രം തിയേറ്ററുകളിൽ പ്രദർശനത്തിന് എത്തിയത്. 2023 ൽ പുറത്തിറങ്ങിയ രോമാഞ്ചം ആണ് ജിത്തുമാധവൻ ഒടുവിൽ സംവിധാനം ചെയ്ത ഹിറ്റ് ചിത്രം. തീനാളുകൾ പടർന്നു പിടിച്ച കുപ്പിയും കയ്യിൽ പിടിച്ചുയർത്തിക്കൊണ്ട് നിൽക്കുന്ന ഫഹദ് ഫാസിന്റെ പോസ്റ്ററുകളും ഇതിനോടകം തന്നെ വൈറലായിരുന്നു

ആശിഷ് വിദ്യാർഥി, മൻസൂർ അലിഖാൻ, റോഷൻ ഷാനവാസ്, ശ്രീജിത്ത് നായർ, മിഥുൻ ജെ എസ്, പൂജ മോഹൻ രാജ്, നീരജ് രാജേന്ദ്രൻ, സജിൻ ഗോപു, തങ്കം മോഹൻ തുടങ്ങിയവർ പ്രധാന കഥാപാത്രങ്ങളായി എത്തുന്നു. അൻവർ റഷീദ് എന്റർടൈമെന്റ്സ്, ഫഹദ് ഫാസിൽ ആൻഡ് ഫ്രണ്ട്സ് എന്നീ ബാനറുകളിൽ അൻവർ റഷീദ്, നശ്രിയ എന്നിവരാണ് ആവേശത്തിന്റെ നിർമാണം. ഛായാഗ്രഹണം സമീർ താഹിർ, വരികൾ വിനായക് ശശികുമാർ, സംഗീതം സുഷിൻ ശ്യാം, എഡിറ്റിങ് വിവേക് ഹർഷൻ.