പ്രേക്ഷകര്‍ക്ക് ഓണാശംസകള്‍ നേര്‍ന്ന് കൊണ്ട് നദികളില്‍ സുന്ദരി യമുനയുടെ പുതിയ പോസ്റ്റര്‍ പുറത്തിറങ്ങി. മുഖം വെളിപ്പെടുത്താത്ത നായികയുടെ പോസാണ് പോസ്റ്ററില്‍ ശ്രദ്ധേയം. നദികളില്‍ സുന്ദരി ആരെന്ന സസ്പെന്‍സ് ഒളിപ്പിച്ചിരിക്കുകയാണ് പോസ്റ്ററുകളില്‍. ധ്യാന്‍ശ്രീനിവാസനും അജു വര്‍ഗീസും ചിത്രത്തില്‍ പ്രധാന വേഷത്തില്‍ എത്തുന്നു. സിനിമാറ്റിക് ഫിലിംസ് എല്‍ എല്‍ പിയുടെ ബാനറില്‍ വിലാസ് കുമാര്‍, സിമി മുരളി കുന്നുംപുറത്ത് തുടങ്ങിയവരാണ് നിര്‍മാണം. തിരക്കഥയും സംവിധാനവും നവാഗതരായ വിജേഷ് പാണത്തൂരും ഉണ്ണി വെള്ളോറയും ചേര്‍ന്നാണ്.
കണ്ണൂരിലെ ഗ്രാമാന്തരീക്ഷം പശ്ചാത്തലമാക്കി ഒരുക്കുന്ന ചിത്രമാണ് നദികളില്‍ സുന്ദരി യമുന. കണ്ണന്‍, വിദ്യാധരന്‍ എന്നീ രണ്ടു പേരുടെ ജീവിതകഥയാണ് പ്രമേയം. കണ്ണനായി ധ്യാനും വിദ്യാധരനായി അജു വര്‍ഗീസും എത്തുന്നു. കലാഭവന്‍ ഷാജോണ്‍, അനീഷ്, സുധീഷ്, പാര്‍വ്വണ, സോഹന്‍ സീനുലാല്‍, ശരത് ലാല്‍, കിരണ്‍ രമേഷ്, വിസ്മയ ശശികുമാര്‍, നവാസ് വള്ളിക്കുന്നു, നിര്‍മല്‍ പാലാഴി തുടങ്ങിയവര്‍ അഭിനയിക്കുന്നു. വരികള്‍: മനു മഞ്ജിത്ത്, ഹരിനാരായണന്‍. സംഗീതം അരുണ്‍ മുരളീധരന്‍.
