അബാം മൂവീസിന്റെ ബാനറിൽ അബ്രഹാം മാത്യുവിന്റെ നിർമ്മാണത്തിൽ സൌബിൻ ഷാഹിർ, നമിത പ്രമോദ് തുടങ്ങിയവരെ പ്രധാനകഥാപാത്രമാക്കിക്കൊണ്ട് ബോബൻ സാമുവൽ സംവിധാനം ചെയ്യുന്ന ചിത്രം ‘മച്ചാന്റെ മാലാഖ’ ജൂൺ 14- പെരുന്നാൾ ദിനത്തിൽ തിയ്യേറ്ററുകളിൽ പ്രദർശനത്തിന് എത്തും. കഥ ജക്സൺ ആന്റണിയുടെയും രചന അജീഷ് പി തോമസിന്റേതുമാണ്. ഒരു ഫാമിലി എന്റർടൈനർ മൂവിയാണ് മച്ചാന്റെ മാലാഖ.
ബസ് കണ്ടക്ടറായ സജീവന്റെയും മെഡിക്കൽ ഷോപ്പ് ജീവനക്കാരിയായ ബീജിമോളുടെയും ജീവിതകഥയാണ് സിനിമയുടെ കാതൽ. നമിത പ്രമോദ്, സൌബിൻ ഷാഹിർ, ദിലീഷ് പോത്തൻ, മനോജ് കെ യു, സുദർശൻ, ആര്യ, ശ്രുതി ജയൻ, വിനീത് തട്ടിൽ, അൽഫി പഞ്ഞിക്കാരൻ, തുടങ്ങിയവരും മറ്റ് പ്രധാനകഥാപാത്രങ്ങളായി വേഷമിടുന്നു. സംഗീതം ഔസേപ്പച്ചൻ, ഛായാഗ്രഹണം വിവേക് മേനോൻ, എഡിറ്റിങ് രതീഷ് രാജ്, ഗാനരചന സിന്റോ സണ്ണി.
