‘ഭ്രമയുഗ’ത്തിലെ ഷൂട്ടിംഗ് പൂര്‍ത്തിയാക്കി മമ്മൂട്ടി; ചിത്രീകരണം പുരോഗമിക്കുന്നു

ആദ്യമായി നൈറ്റ്ഷിഫ്റ്റ് സ്റ്റുഡിയോസിന്‍റെ ബാനറില്‍ ചക്രവര്‍ത്തി രാമചന്ദ്രയും എസ് ശശികാന്തും ചേര്‍ന്ന് നിര്‍മ്മിക്കുന്ന ‘ഭ്രമയുഗ’ത്തില്‍ മമ്മൂട്ടിയുടെ കഥാപാത്രത്തിന്‍റെ റോളുകള്‍ പൂര്‍ത്തിയാക്കി. മമ്മൂട്ടി നായകനായി എത്തുന്ന ഈ ഹൊറര്‍ ചിത്രം സംവിധാനം ചെയ്യുന്നത് രാഹുല്‍ സദാശിവനും സംഭാഷണം ടി ഡി രാമകൃഷ്ണനുമാണ്. ആഗസ്ത് 17- നു ആരംഭിച്ച ചിത്രത്തിന്‍റെ ഷൂട്ടിംഗ് കൊച്ചിയിലും പാലക്കാടും ഒറ്റപ്പാലത്തുമായി നടന്നു. അര്‍ജുന്‍ അശോകന്‍, സിദ്ധാര്‍ഥ് ഭരതന്‍, അമാല്‍ഡ ലിസ് തുടങ്ങിയവരാണ് ചിത്രത്തിലെ മറ്റ് അഭിനേതാക്കള്‍. ഇവരുടെ ചിത്രീകരണം ഒക്ടോബറില്‍ പൂര്‍ത്തിയാകും. ഛായാഗ്രഹണം ഷെഹനാദ് നിര്‍വഹിക്കുന്നു. മലയാളത്തിന് പുറമെ തമിഴ്, കന്നഡ, ഹിന്ദി, തെലുങ്കു, തുടങ്ങിയ നിരവധി ഭാഷകളില്‍ ഭ്രമയുഗം ഒരേ സമയം തിയേറ്ററുകളില്‍ പ്രദര്‍ശനത്തി നെത്തും.