പ്രശസ്ത തമിഴ് പിന്നണി ഗായിക ഉമ രമണൻ അന്തരിച്ചു

പ്രശസ്ത തമിഴ് ചലച്ചിത്ര പിന്നണി ഗായിക ഉമ രമണൻ അന്തരിച്ചു. 72- വയസ്സായിരുന്നു. ചെന്നൈയിലെ വീട്ടിൽ വെച്ച് മെയ് ഒന്നിന് ആയിരുന്നു അന്ത്യം. മരണകാരണം വ്യക്തമായിട്ടില്ല. ഭർത്താവ് എ വി രമണനും ഗായകനായിരുന്നു. 1977- ൽ  ശ്രീകൃഷ്ണ ലീല’ എന്ന പാട്ട് പാടിക്കൊണ്ടാണ് ചലച്ചിത്ര മേഖലയിലേക്ക് ആദ്യ ചുവട് വയ്ക്കുന്നത്. ഭർത്താവായ എ വി രമണന് ഒപ്പമാണ് ഈ ഗാനം പാടിയിരിക്കുന്നത്. പിന്നീട് തമിഴിൽ സൂപ്പർ ഹിറ്റ് പാട്ടുകളുടെ ശബ്ദമാകുവാൻ ഉമയ്ക്ക് സാധിച്ചു. ലയരാജയുടെ നൂറിലേറെ പാട്ടുകൾ ഉമ ആലപിച്ചിട്ടുണ്ട്. വിജയ് നായകനായ തിരൂപ്പാച്ചി എന്ന ചിത്രത്തിലെ  ‘കണ്ണും കണ്ണും താൻ കലന്താച്ചു’ എന്ന ഗാനമാണ്    ഉമ രമണൻ അവസാനമായി പാടിയത്.