പ്രശസ്ത ചലച്ചിത്ര സംവിധായകൻ ശ്യാം ബെനഗൽ അന്തരിച്ചു

പ്രശസ്ത ചലച്ചിത്ര സംവിധായകൻ ശ്യാം ബെനഗൽ അന്തരിച്ചു. 90- വയസ്സായിരുന്നു. തിങ്കളാഴ്ച മുംബൈലെ ആശുപത്രിയിൽ വെച്ച് ആയിരുന്നു അന്ത്യം. ഏറെ നാളുകളായി വൃക്ക സംബന്ധമായ അസുഖത്താൽ ചികിത്സയിലായിരുന്നു. ശ്യാം ബെനഗലിന്റെ മകൾ പ്രിയ ബെനഗൽ ആണ് മാധ്യമങ്ങളിലൂടെ വാർത്ത പുറംലോകത്തെ അറിയിച്ചത്. കഴിഞ്ഞ ഡിസംബർ 14- ന് ആയിരുന്നു അദ്ദേഹത്തിന്റെ 90- ജന്മദിനം.ചലച്ചിത്ര മേഖലയിലൂടെ അദ്ദേഹം നല്കിയ സമഗ്രസംഭവനയ്ക്ക് രാജ്യം 1976- ൽ പത്മശ്രീയും 1991- ൽ പത്മവിഭൂഷണും നല്കി ആദരിച്ചു. കേവലം പന്ത്രണ്ടാം വയസ്സിലാണ് അച്ഛൻ നല്കിയ ക്യാമറ ഉപയോഗിച്ച് ശ്യാം ബെനഗൽ സിനിമാ പിടിത്തം തുടങ്ങുന്നത്. പിന്നീട് ഹൈദരാബാദിലെ ഒസ് മാനിയ സർവകലാശാലയിൽ നിന്ന് സാമ്പത്തിക ശാസ്ത്രത്തിൽ ബിരുദാനന്തര ബിരുദം നേടുകയും ഹൈദരാബാദിൽ ഫിലിം സൊസൈറ്റി സ്ഥാപിക്കുകയും ചെയ്തു.