സുകുമാരനും ഹിറ്റ് മേക്കർ വൈശാഖും ഒന്നിക്കുന്ന ബിഗ് ബജറ്റ് ആക്ഷൻ സിനിമ ഖലീഫയുടെ ചിത്രീകരണം ആരംഭിച്ചു. ‘പ്രതികാരം സുവർണ്ണ ലിപികളാൽ എഴുതപ്പെടും’ എന്ന ടാഗ്ലൈനോടെയെത്തുന്ന ഈ ചിത്രത്തിൽ, പൃഥ്വിരാജ് ആമിർ അലി എന്ന, അന്താരാഷ്ട്ര സ്വർണ്ണക്കടത്ത് സിൻഡിക്കേറ്റിന്റെ തലവനായ ഗാംഗ് ബോസിന്റെ വേഷമാണ് കൈകാര്യം ചെയ്യുന്നത്. പൃഥ്വിരാജിന്റെ ജന്മദിനമായ ഒക്ടോബർ 16-ന് പുറത്തിറങ്ങിയ ‘ഖലീഫ – ദി ബ്ലഡ് ലൈൻ’ എന്ന പേരിലുള്ള ഗ്ലിംപ്സ് വീഡിയോ, ചിത്രത്തിന്റെ പശ്ചാത്തലമായ പ്രതികാര കഥയിലേക്ക് സൂചന നൽകുകയും, ഉയർന്ന നിലവാരമുള്ള ആക്ഷൻ രംഗങ്ങളാൽ പ്രേക്ഷകരെ ആവേശം കൊള്ളിക്കുകയും ചെയ്തിരുന്നു.
ജിനു വി. എബ്രഹാമാണ് ചിത്രത്തിന് തിരക്കഥയൊരുക്കുന്നത്. ലണ്ടൻ, ദുബായ്, നേപ്പാൾ, ഇന്ത്യ എന്നിവിടങ്ങളിലായി വലിയ കാൻവാസിലാണ് ഖലീഫ ചിത്രീകരിക്കുന്നത്. 2026 ഓണം സീസണിൽ തിയേറ്ററുകളിൽ ചിത്രം എത്തുമെന്നാണ് അണിയറ പ്രവർത്തകർ അറിയിച്ചിട്ടുള്ളത്ജോമോൻ ടി. ജോൺ ഛായാഗ്രഹണം നിർവ്വഹിക്കുന്ന ചിത്രത്തിന് ജേക്സ് ബിജോയ് ആണ് സംഗീതം ഒരുക്കുന്നത്.
