ചിയേഴ്സ് എന്റർടൈമെന്റിന്റെ ബാനറിൽ ലക്ഷ്മി മേനോനും ഗണേഷ് മേനോനും ചേർന്ന് നിർമ്മിക്കുന്ന’ ധീരൻ’ എന്ന ചിത്രത്തിന്റെ ഏറ്റവും പുതിയ ട്രയിലർ പുറത്തിറങ്ങി. ഒരു ഫൺ ആക്ഷൻ എന്റർടയിമെന്റ് മൂവിയാണ് ധീരൻ. ചിത്രത്തിന്റെ തിരക്കഥയും സംവിധാനവും നിർവഹിച്ചിരിക്കുന്നത് ദേവദത്ത് ഷാജിയാണ്. ഭീഷ്മപർവം ആണ് ഇദ്ദേഹം മുൻപ് സംവിധാനം ചെയ്ത സിനിമ. ജൂലൈ മാസം ചിത്രം തിയ്യേറ്ററുകളിൽ പ്രദർശനത്തിന് എത്തും.
രാജേഷ് മാധവൻ ചിത്രത്തിൽ നായകനായും അശ്വതി മനോഹരൻ നായികയായും എത്തുന്നു. ജഗദീഷ്, സുധീഷ്, മനോജ്. കെ ജയൻ, സിദ്ധാർഥ് ഭരതൻ, ശബരീഷ് വർമ്മ, അശോകൻ, ഇന്ദുമതി മണികണ്ഠൻ, അരുൺ ചെറുകാവിൽ, വിജയ സദൻ, ഗീതി സംഗീത, അമ്പിളി, എന്നിവരും ചിത്രത്തിൽ അഭിനയിക്കുന്നുണ്ട്. ഛായാഗ്രഹണം നിർവഹിക്കുന്നത് സംവിധായകൻ ലോഹിതദാസിന്റെ മകൻ ഹരികൃഷ്ണൻ ലോഹിതദാസ് ആണ്. സംഗീതം മുജീബ്, എഡിറ്റിങ് ഫിൻ ജോർജ്ജ് വർഗീസ്, വരികൾ വിനായക് ശശികുമാർ.
