മാർബെൻ സ്റ്റുഡിയോസിന്റെ ബാനറിൽ എം എ റഹീം നിർമ്മിച്ച് മഞ്ജിത്ത് ദിവാകർ എഴുതി സംവിധാനം ചെയ്യുന്ന ഏറ്റവും പുതിയ ചിത്രം ‘ദി സ്പോയിലറു’ടെ ട്രയിലർ പുറത്തിറങ്ങി. 1995- ൽ തിരുവനന്തപുരം ജനറൽ ഹോസ്പിറ്റലിൽ നടന്ന ഒരു സംഭവത്തെ പ്രമേയമാക്കിയുള്ളതാണ് സിനിമ. മാർച്ച് ഒന്നിന് ചിത്രം തിയ്യേറ്ററിൽ എത്തും. ഒറ്റപ്പെട്ട ജീവിതം നയിക്കുന്ന പത്മരാജൻ എന്നയാളുടെ ജീവിതത്തിലേക്ക് അഫിയ, മാളവിക തുടങ്ങിയവരുടെ കടന്നുവരവോട് കൂടി സംഭവിക്കുന്ന മാറ്റങ്ങളാണ് പ്രമേയം.
എം എ റഹീം പത്മരാജനായും ആഫീയ ആയി അഞ്ജലിയും മാളവികയായി പ്രീതി ക്രിസത്യാന പോളും എത്തുന്നു. വരികൾ സുനിൽ ജി ചെറുകടവ്, സംഗീതം സിബു സുകുമാരൻ, ഛായാഗ്രഹണം സതീഷ് കതിർവേൽ, എഡിറ്റിങ് ബിജിലേഷ് കെ വി, നിരവധി പുതുമുഖങ്ങളും ചിത്രത്തിൽ അഭിനയിക്കുന്നുണ്ട്.
