നീണ്ട ഇടവേളയ്ക്ക് ശേഷം സിനിമയിലേക്ക് തിരിച്ചുവരവിന് ഒരുങ്ങുകയാണ് ജോമോൾ. ഉണ്ണി മുകുന്ദനാണ് ഈ വിവരം സോഷ്യൽ മീഡിയയിലൂടെ പുറത്ത് വിട്ടത്. ചിത്രത്തിൽ ഒരു വക്കീലിന്റെ വേഷത്തിലായിരിക്കും ജോമോൾ എത്തുക. ഉണ്ണി മുകുന്ദൻ നായകനാകുന്ന ‘ജയ് ഗണേഷ്’ എന്ന ഈ ചിത്രം സംവിധാനം ചെയ്യുന്നത് രഞ്ജിത് ശങ്കറാണ്.
ഒരു വടക്കൻ വീരഗാഥ എന്ന ചിത്രത്തിലൂടെ ഉണ്ണിയാർച്ചയുടെ ബാല്യകാലം അഭിനയിച്ചു കൊണ്ട് സിനിമയിലേക്ക് രംഗപ്രവേശം ചെയ്ത ജോമോൾ സ്നേഹം, എന്ന് സ്വന്തം ജാനകിക്കുട്ടി, പഞ്ചാബി ഹൌസ്, മയിൽപ്പീലിക്കാവ്, നിറം, ദീപസ്തംഭം മഹാശ്ചര്യം, ചിത്രശലഭം തുടങ്ങിയ സിനിമകളിൽ മികച്ച വേഷങ്ങൾ ചെയ്തു. രഞ്ജിത് ശങ്കറും ഉണ്ണി മുകുന്ദനും ചേർന്ന് നിർമ്മിക്കുന്ന ചിത്രത്തിന്റെ ഷൂട്ടിങ് നവംബർ 11- ന് ആരംഭിക്കും. രവീന്ദ്ര വിജയ്, മഹിമ നമ്പ്യാർ തുടങ്ങിയവരാണ് ചിത്രത്തിലെ മറ്റ് പ്രധാന അഭിനേതാക്കൾ.
