നടി മീന ഗണേഷ് അന്തരിച്ചു

നിരവധി അമ്മ വേഷങ്ങളിലൂടെ ശ്രദ്ധേയയായ സിനിമ- സീരിയൽ നടി മീന ഗണേഷ് അന്തരിച്ചു. 81- വയസ്സായിരുന്നു. ഷോർണൂരിലെ ആശുപത്രിയിൽ വെച്ച് പുലർച്ചെ 1. 20 ഓടെ ആയിരുന്നു അന്ത്യം. നാടകകൃത്തും സംവിധായകനും നടനുമായിരുന്നു എ എൻ ഗണേഷ് ആണ് ഭർത്താവ്. മസ്തിഷ്കാഘാതം സംഭവിച്ച് കുറച്ച് നാളുകളായി ചികിത്സയിലായിരുന്നു. നാടകരംഗത്തൂടെ സിനിമയിലെത്തിയ നൂറിലേറെ സിനിമകളിലും 20- ഓളം സീരിയലുകളിലും വേഷമിട്ടു. 1976- ൽ പുറത്തിറങ്ങിയ പി എ ബക്കർ സംവിധാനം ചെയ്ത മണിമുഴക്കം ആണ് മീന അഭിനയിച്ച അദ്യ മലയാള സിനിമ. കലാഭവൻ മണി നായകനായി എത്തിയ വാസന്തിയും ലക്ഷ്മിയും പിന്നെ ഞാനും, മീശമാധവൻ, കരുമാടിക്കുട്ടൻ, അമ്മക്കിളിക്കൂട്, സെല്ലുലോയിഡ്, നന്ദനം, തുടങ്ങിയ സിനിമകളിൽ ശ്രദ്ധേയ വേഷങ്ങൾ കൈകാര്യം ചെയ്തു. സംസ്കാരം വൈകീട്ട് ഷോർണൂർ ശാന്തി തീരത്ത് വെച്ച് നാലുമണിക്ക് നടക്കും.