ടെക്സാസ് ഫിലിം ഫാക്ടറിയുടെ ബാനറിൽ അജിത്ത് എസ് കെ, സമീർ ചെമ്പയി എന്നിവര് ചേർന്ന് നിർമ്മിച്ച് ശ്രീനാഥ് ഭാസിയും ഷൈൻ ടോം ചാക്കോയും പ്രധാന വേഷത്തിൽ എത്തുന്ന ചിത്രം തേരി മേരിയുടെ ചിത്രീകരണംപൂർത്തിയായി. അനൂപ് മേനോൻ തിരക്കഥ എഴുതി സംവിധാനം ചെയ്ത കിംഗ് ഓഫ് ഫിഷ് ആണ് ടെക്സാസ് ഫിലിം ഫാക്ടറി നിർമ്മിച്ച മറ്റൊരു ചിത്രം. ആരതി ദേവിയുടേതാണ് തിരക്കഥയും സംവിധാനവും. വർക്കല ടൂറിസവുമായി ബന്ധപ്പെട്ട് രണ്ട് ചെറുപ്പക്കാരുടെ കഥയാണ് സിനിമയിൽ പറയുന്നത്.
ശ്രീനാഥ് ഭാസിയും ഷൈൻ ടോം ചാക്കോയും പ്രധാനകഥാപാത്രങ്ങളായി എത്തുന്ന ചിത്രത്തിൽ തെലുങ്ക് താരം ശ്രീരംഗ സുധയും അന്ന രാജനും മറ്റ് പ്രധാന കഥാപാത്രമായി എത്തുന്നു. ഇർഷാദ് അലി, ഷാജു ശ്രീധർ, ബബിത ബാബു, സോഹൻ സീനുലാൽ, എന്നിവരാണ് ചിത്രത്തിലെ അഭിനേതാക്കൾ. ഛായാഗ്രഹണം ബിബിൻ ബാലകൃഷ്ണൻ, സംഗീതം കൈലാസ് മേനോൻ, എഡിറ്റിങ് എം എസ് അയ്യപ്പൻ, വർക്കല, തിരുവനന്തപുരം, കോവളം, കന്യാകുമാരി എന്നിവിടങ്ങളിൽ ചിത്രീകരണം നടന്നത്. ചിത്രത്തിന്റെ മറ്റ് സാങ്കേതിക പോസ്റ്റ് പ്രൊഡക്ഷൻ ജോലികൾ പുരോഗമിക്കുകയാണ്.
