തെന്നിന്ത്യൻ നടൻ വിജയ രംഗരാജു അന്തരിച്ചു

പ്രശസ്ത തെന്നിന്ത്യൻ നടൻ വിജയ രംഗരാജു അന്തരിച്ചു. ഹൃദയാഘാതത്തെ തുടർന്ന് ചെന്നൈയിലെ സ്വകാര്യ ആശുപത്രിയിൽ വെച്ചായിരുന്നു അന്ത്യം. സിദ്ദിഖ്- മോഹന്ലാൽ കൂട്ടുകെട്ടിൽ പിറന്ന സൂപ്പർ ഹിറ്റ് ചിത്രമായ വിയറ്റ്നാം കോളനിയിലെ റാവുത്തർ’ എന്ന വില്ലൻകഥാപാത്രമായി എത്തിയ രംഗരാജു വളരെ വേഗം തന്നെ മലയാള സിനിമ പ്രേക്ഷകർക്കിടയിൽ ശ്രദ്ധിക്കപ്പെട്ടു. മഹാരാഷ്ട്ര സ്വദേശിയാണ് രംഗരാജു. രാജ് കുമാർ എന്നാണ് യഥാർഥ പേര്. ഷൂട്ടിങിനിടെ പരിക്കേറ്റ് ചികിത്സയിലിരിക്കവെ ആണ് അന്ത്യം. ചെന്നൈയിൽ വെച്ച് മരണാനന്തര ചടങ്ങുകൾ നടത്തും. മിക്ക ഭാഷകളിലെയും ചലച്ചിത്രങ്ങളിൽ രംഗ രാജു ശ്രദ്ധിക്കപ്പെട്ടത് വില്ലൻ കഥാപാത്രങ്ങളിലൂടെയാണ്. നന്ദമൂരി ബാലകൃഷ്ണയുടെ ഭൈരവ ദീപം എന്ന ചിത്രത്തിലൂടെയാണ് അരങ്ങേറ്റം കുറിച്ചത്. അനുരാഗക്കോടതി, ആരംഭം, സംരഭം, ഹിറ്റ്ലർ, ബ്രദേഴ്സ്, വെനീസിലെ വ്യാപാരി, മനുഷ്യ മൃഗം, ആയുധം, മദ്രാസ് ഗേൾസ്, ആധിപത്യം, പടയോട്ടം, എന്നീ മലയാള സിനിമകളിൽ അഭിനയിച്ചിട്ടുണ്ട്.