കാർമിക് സ്റ്റുഡിയോസിന്റെ ബാനറിൽ സാജൻ ആലുംമൂട്ടിൽ സംവിധാനം ചെയ്യുന്ന ഏറ്റവും പുതിയ ചിത്രം ‘തലതെറിച്ച കൈ’യുടെ ടൈറ്റിൽ പോസ്റ്റർ പുറത്തിറങ്ങി. ഒരു മുറൈ വന്ത് പാർത്തായ, വിവാഹ ആവാഹനം എന്നീ ചിത്രങ്ങൾക്ക് ശേഷം സംവിധാനം ചെയ്യുന്ന ചിത്രമാണ് തല തെറിച്ച കൈ.
പൂർണമായും ഹാസ്യചിത്രമായിരിക്കും തലതെറിച്ച കൈ. ചിത്രത്തിന് കഥ സംവിധായകനും തിരക്കഥ, സംഭാഷണം എന്നിവ നിതാരയുമാണ് നിർവഹിച്ചത്. ഛായാഗ്രഹണം ധനേഷ് രവീന്ദ്രനാഥ്, ആഗസ്തിന്റെ അവസാന വാരം ചിത്രീകരണം പൂർത്തിയാകും.
