എസ് എസ് ജിഷ്ണു ദേവിന്‍റെ സംവിധാനത്തില്‍ ക്യാപ്റ്റാരിയസ് എന്‍റര്‍ടൈമെന്‍റിസി ന്‍റെ ബാനറില്‍ ഒരുങ്ങുന്ന മലയാളികളുടെ ഇംഗ്ലിഷ് ഹൊറര്‍ ചിത്രം ശ്രദ്ധേയമായിരിക്കുകയാണ്. ‘പാരനോര്‍മല്‍ പ്രോജക്റ്റ്’ എന്നു പേരിട്ടിരിക്കുന്ന ചിത്രത്തിന്റെ ട്രൈലര്‍ പുറത്തിറങ്ങി. പാരനോര്‍മല്‍ ഇന്‍വെസ്റ്റിഗേറ്റേഴ്സ് സാം അലക്സ്, ആല്‍വിന്‍ ജോഷ്, കാര്‍ത്തിക് രഘുവരന്‍, ക്രിസ്റ്റി ഫെര്‍ണാന്‍ഡോസ് എന്നീ കഥാപാത്രങ്ങളിളുടെ കേസ് ഡയറികളിലൂടെ കഥ പറയുന്നു. അമേരിക്കന്‍ ഫിലിം കമ്പനിയായ വെബ് ഫിലിംസാണ് ചിത്രം പുറത്തിറക്കുന്നത്.
തെക്കേ ഇന്ത്യ പശ്ചാത്തലമായി വരുന്ന ഈഏ ഹൊറര്‍ ചിത്രത്തില്‍ ഷാഡോ സിനിമാറ്റോഗ്രാഫി ഉപയോഗിച്ചിരിക്കുന്നു. പ്രേതബാധയുള്ളതായി സംശയിക്കപ്പെടുന്ന ഒരു കോളേജ് കെട്ടിടത്തിലാണ് കഥയ്ക്കാസ്പദമായ ഇതിവൃത്തം. സംവിധാനം മാത്രമല്ല, ചിത്രത്തിന്റെ സിനിമാറ്റോഗ്രഫിയും എഡിറ്റിങ്ങും നിര്‍വഹിക്കുന്നത് എം എസ് ജിഷ്ണു ദേവാണ്. പശ്ചാത്തല സംഗീതം, സൌണ്ട് ഡിസൈന്‍ എബിന്‍ എസ് വിന്‍സെന്‍റ് , സ്നേഹല്‍ റാവു, ശരണ്‍ ഇന്‍ഡോകേര, സുദര്‍ശനന്‍ റസ്സല്‍പുരം, ഗൌതം എസ് കുമാര്‍, അഭിഷേക് ശ്രീകുമാര്‍, ജലത ഭാസ്കര്‍, ആരാധ്യ, തുടങ്ങിയവര്‍ പ്രധാന കഥാപാത്രങ്ങളായി എത്തുന്നു.
