‘അമ്മ’ സംഘടനയിൽ തിരഞ്ഞെടുപ്പ്; പ്രസിഡന്റ് സ്ഥാനത്തേക്ക് ആറ് പേര് മത്സരിക്കും

താരസംഘടനയായ ‘അമ്മ’യുടെ ഭാരവാഹികളെ തിരഞ്ഞെടുക്കാൻ നാമപത്രിക സമരിപ്പിക്കുവാനുള്ള സമയം അവസാനിച്ചു. ആറ് പേരാണ് പ്രസിഡന്റ് സ്ഥാനത്തേക്ക് മത്സരിക്കുക. ജൂലൈ 31 നു ആണ് പത്രിക പിവലിക്കേണ്ട അവസാന തീയതി. ശ്വേതാ മേനോൻ, ജഗദീഷ്, രവീന്ദ്രൻ, അനൂപ് ചന്ദ്രൻ, ജയൻ ചേർത്തല, ദേവൻ, ജോയ് മാത്യു എന്നിവരാണു പ്രസിഡന്റ് സ്ഥാനത്തേക്ക് മത്സരിക്കുവാനുള്ള അപേക്ഷ നല്കിയിരിക്കുന്നത്. എന്നാൽ ജോയ് മാത്യുവിന്റെ അപേക്ഷ തള്ളിയിരിക്കുന്നതായാണ് നിലവിൽ ലഭിക്കുന്ന വിവരം. ജനറൽ സെക്രട്ടറി സ്ഥാനത്തേക്ക് അഞ്ചു പേരാണ് നാമനിർദ്ദേശ പത്രിക നല്കിയിരിക്കുന്നത്. ബാബു രാജ്, ജയൻ ചേർത്തല, കുക്കു പരമേശ്വരൻ, അനൂപ് ചന്ദ്രൻ, രവീന്ദ്രൻ എന്നിവരാണത്. വൈസ് പ്രസിഡന്റ് സ്ഥാനത്തേക്ക് നവ്യ നായർ നാമനിർദേശ പത്രിക സമർപ്പിച്ചു. വിനു മോഹൻ, സരയൂ,അൻസിബ, അനന്യ, ടിനി ടോം, കൈലാഷ്, എന്നിവരും മത്സരത്തിന് പത്രിക സമർപ്പിച്ചിട്ടുണ്ട്.