‘അടിയന്തിരാവസ്ഥക്കാലത്തെ അനുരാഗം’; ഫസ്റ്റ് ലുക്ക് പോസ്റ്റർ റിലീസായി

നടനും നിർമ്മാതാവുമായ ആലപ്പി അഷറഫ് സംവിധാനം ചെയ്യുന്ന ചിത്രം അടിയന്തിരാവസ്ഥക്കാലത്തെ അനുരാഗം ഫസ്റ്റ് ലുക്ക് പോസ്റ്റർ റിലീസായി. ഒലീവ് പ്രൊഡക്ഷൻസിന്റെ ബാനറിൽ കുര്യച്ചൻ വാളക്കുഴി നിർമ്മിക്കുന്ന ചിത്രത്തിന്റെ പോസ്റ്റർ റിലീസ് ചെയ്തത് നടൻ  കുഞ്ചാക്കോ ബോബന്റെ ഫേസ്ബുക്ക് പേജിലൂടെയാണ്. അടിയന്തിരാവസ്ഥക്കാലത്തിനിടെ നടക്കുന്ന പ്രണയകഥയാണ് പശ്ചാത്തലം. പുതുമുഖങ്ങളാണ് ചിത്രത്തിൽ കൂടുതലായും അഭിനയിക്കുന്നത്. നായകനായി നീഹാലും നായികയായി ഗോപിക ഗിരീഷും എത്തുന്നു. കലാഭവൻ റഹ്മാൻ, ഹാഷിം ഷാ, ഉഷ, ആലപ്പി അഷറഫ്, ഫെലിസിന, അനന്തു കൊല്ലം, മുന്ന, നിമിഷ, റിയ കാപ്പിൽ, എ. കബീർ തുടങ്ങിയവർ ചിത്രത്തിൽ അഭിനയിക്കുന്നു. വരികൾ ടൈറ്റസ് ആലിങ്ങൽ, സംഗീതം അഫ്സൽ യൂസഫ്, കെ ജെ ആൻറണി, ടി എസ് ജയരാജ്, ഛായാഗ്രഹണം ബിടി മണി, എഡിറ്റിങ് എൽ. ഭൂമിനാഥൻ.