‘PDC അത്ര ചെറിയ ഡിഗ്രിയല്ല’ ചിത്രീകരണം ആരംഭിച്ചു

റാഫി മതിര കഥയും തിരക്കഥയും സംഭാഷണവും എഴുതി സംവിധാനം ചെയ്യുന്ന ഏറ്റവും പുതിയ ചിത്രം ‘PDC അത്ര ചെറിയ ഡിഗ്രിയല്ല’ എന്ന സിനിമയുടെ ചിത്രീകരണം ആരംഭിച്ചു. ഇഫയര് ഇന്റർനാഷണലിന്റെ ബാനറിൽ റാഫി മതിര തന്നെയാണ് ചിത്രം നിർമ്മിക്കുന്നത്. ചിത്രത്തിൽ ജോണി ആൻറണി, ജയൻ ചേർത്തല, ബിനു പപ്പു എന്നിവര് പ്രധാന കഥാപാത്രങ്ങളായി എത്തുന്നു. 1996- 98 കാലങ്ങളിൽ ഒന്നിച്ചു പഠിച്ചവരുടെ വാട്സാപ്പ് കൂട്ടായ്മയും തുടർന്നുണ്ടാകുന്ന സംഭവവികാസങ്ങളുമാണു പ്രമേയം. സന്തോഷ് കീഴാറ്റൂർ, ബാലാജി ശർമ, റിയാസ് നർമകല, മഞ്ജു പത്രൊസ്, വീണ നായർ, ലക്ഷ്മി പ്രിയ, തിരുമല രാമചന്ദ്രൻ, സോന നായർ, മുൻഷി ഹരി, ബിജു കലാവേദി, നന്ദഗോപൻ വെള്ളത്താടി, എന്നിവരും പ്രധാനകഥാപാത്രങ്ങളായി എത്തുന്നുണ്ട്. ഛായാഗ്രഹണം ഉണ്ണി മടവൂർ, വരികൾ റാഫി മതിര, ഇല്യാസ് കടമേരി, സംഗീതം പകരുന്നത് ഫിറോസ് നാഥ്.