2014-ല് അഞ്ജലി മേനോന് സംവിധാനം ചെയ്തു ദുല്ഖര് സല്മാന്, ഫഹദ്, നിവിന്പോളി, നസ്രിയ, പാര്വതി തിരുവോത്ത്, നിത്യമേനോന് തുടങ്ങിയവര് പ്രധാന കഥാപാത്രമായെത്തിയ മലയാളത്തിലെ സൂപ്പര് ഹിറ്റ് ചിത്രം ബാംഗ്ലൂര് ഡേയ്സ് ഹിന്ദി റീമേക്കിലേക്ക്. തമിഴ്, തെലുങ്കു തുടങ്ങിയ ഭാഷകളിലേക്ക് ചിത്രം റീമേക്ക് ചെയ്തിരുന്നു. ബാംഗ്ലൂര് ഡേയ്സിന്റ ഹിന്ദി റീമേക്ക് ഫസ്റ്റ് ലുക് പോസ്റ്റര് അണിയറപ്രവര്ത്തകര് പുറത്തു വിട്ടു. ‘യാരിയാന് 2 എന്ന് പേരിട്ടിരിക്കുന്ന ഈ ചിത്രം ബോളിവൂഡ് സൂപ്പര് ഹിറ്റ് ചിത്രമായ ‘യാരിയാ’ന്റെ രണ്ടാംഭാഗമായാണ് എത്തുക. ഹിന്ദിപതിപ്പില് മലയാളത്തില് നിന്നും അനശ്വര രാജനും പ്രിയ വാര്യരും നായികമാരായി എത്തുമ്പോള് ഹിന്ദിയില് നിന്ന് ദിവ്യ ഖോസ്ല കുമാര്, പേള് വി പൂരി, വാരിന ഹുസ്സൈന്, മീസാന് ജാഫ്രി, യാഷ് ദാസ് ഗുപ്ത തുടങ്ങിയവരും വേഷമിടുന്നു.
യാരിയാന്റെ രണ്ടാംഭാഗവും സംവിധാനം ചെയ്യുന്നത് ദിവ്യ ഖോസ്ല കുമാര് ആണ്. മെയ് 12, 2023 നു ചിത്രം തിയ്യേറ്ററുകളിലേക്ക് എത്തും. ടി സീരീസ് ആണ് ചിത്രം നിര്മ്മിക്കുന്നത്. ബാംഗ്ലൂര് നാട് കള്’ എന്ന പേരില് 2016- ലാണ് ചിത്രം തമിഴില് റീമേക് ചെയ്തു പുറത്തിറങ്ങിയത്. ബൊമ്മരിലു ഭാസ്കര് സംവിധാനം ചെയ്ത ചിത്രത്തില് റാണാ ദഗ്ഗുഭാട്ടി, ബോബി സിംഹ, ശ്രീവിദ്യ, ആര്യ തുടങ്ങിയവര് അഭിനയിച്ചു.
