2014- ല്‍ അഞ്ജലി മേനോന്‍ സംവിധാനം ചെയ്ത സൂപ്പര്‍ ഹിറ്റ് ചിത്രം ‘ബാoഗ്ലൂര്‍ ഡേയ്സ്’ ഹിന്ദി റീമേക്കിന് ഒരുങ്ങുന്നു. ദുല്‍ഖര്‍ സല്‍മാനും നിവിന്‍ പോളിയും നസ്രിയായും ഫഹദ് ഫാസിലും നിത്യമേനോനും പാര്‍വതി തിരുവോത്തും തകര്‍ത്തഭിനയിച്ച ചിത്രമായിരുന്നു ‘ബാoഗ്ലൂര്‍ ഡേയ്സ്’. ചിത്രം അക്കാലത്ത് തമിഴിലും തെലുങ്കിലുമെല്ലാം റീമേക്ക് ചെയ്തിരുന്നു. ‘ബാംഗ്ലൂര്‍ നാട് കള്‍’ എന്നായിരുന്നു തമിഴ് പേര്. ബമ്മരിലു ഭാസ്കര്‍ സംവിധാനം ചെയ്ത തമിഴില്‍ അഭിനയിച്ചിരുന്നത് റാണ ദഗ്ഗുഭാട്ടി, ശ്രീദിവ്യ, ബോബി സിംഹ, ആര്യ എന്നിവരായിരുന്നു. ഇപ്പോള്‍ ചിത്രത്തിന്റെ ഹിന്ദി പതിപ്പാണ് പുറത്തിറങ്ങാന്‍ ഒരുങ്ങുന്നത്.
ചിത്രത്തിന്റെ ഏറ്റവും പുതിയ ട്രയിലര്‍ പുറത്തിറങ്ങിയിരിക്കുകയാണ്. ‘യാരിയാന്‍ 2 എന്ന് പേരിട്ടിരിക്കുന്ന ഈ ചിത്രം ബോളിവൂഡ് സൂപ്പര്‍ ഹിറ്റ് ചിത്രമായ ‘യാരിയാ’ന്‍റെ രണ്ടാംഭാഗമായാണ് എത്തുക. ഹിന്ദിപതിപ്പില്‍ മലയാളത്തില്‍ നിന്നും അനശ്വര രാജനും പ്രിയ വാര്യരും നായികമാരായി എത്തുമ്പോള്‍ ഹിന്ദിയില്‍ നിന്ന് ദിവ്യ ഖോസ്ല കുമാര്‍, പേള്‍ വി പൂരി, വാരിന ഹുസ്സൈന്‍, മീസാന്‍ ജാഫ്രി, യാഷ് ദാസ് ഗുപ്ത തുടങ്ങിയവരും വേഷമിടുന്നു. യാരിയാന്‍റെ രണ്ടാംഭാഗവും സംവിധാനം ചെയ്യുന്നത് ദിവ്യ ഖോസ്ല കുമാര്‍ ആണ്. മെയ് 12, 2023 നു ചിത്രം തിയ്യേറ്ററുകളിലേക്ക് എത്തും. ടി സീരീസ് ആണ് ചിത്രം നിര്‍മ്മിക്കുന്നത്.
