മാത്യു തോമസ് നായകനായി എത്തുന്ന ചിത്രം ‘ലൌലി’യുടെ വിസ്മയകരമായ ട്രയിലർ പുറത്ത്. കുട്ടികൾക്കായി നിർമ്മിക്കപ്പെട്ട ചിത്രമാണ് ‘ലൌലി’. ഏപ്രിൽ 4 -നു തിയ്യേറ്ററുകളിൽ പ്രദർശനത്തിന് എത്തുന്നു. മലയാളത്തിലെ ആദ്യത്തെ ഹൈബ്രിഡ്- ത്രീഡി, അനിമേഷൻ ആന്റ് ലൈവ് ആക്ഷൻ- ത്രീഡി മൂവിയാണ് ‘ലൌലി’. തിരക്കഥാകൃത്തായ ദിലീഷ് കരുണാകരൻ ആണ് ചിത്രം സംവിധാനം ചെയ്യുന്നത്.
ചിത്രത്തിന്റെ ഛായാഗ്രഹണം സംവിധായകൻ ആഷിക് അബുവും നിർവഹിച്ചിരിക്കുന്നു. ചിത്രത്തിൽ ഒരു അനിമേഷൻ ‘ഈച്ച’യാണ് നായികയായി എത്തുന്നത്. ഡോക്ടർ അമർ രാമചന്ദ്രൻ, ഗംഗ മീര, അശ്വതി മനോഹരൻ, അരുൺ ആഷ് ലി, പ്രശാന്ത് മുരളി, കെ പി എ സി ലീല, മനോജ് കെ ജയൻ, ഉണ്ണിമായ, എന്നിവരും ചിത്രത്തിൽ മറ്റ് കഥാപാത്രങ്ങളായി എത്തുന്നുണ്ട്. നേനി എന്റർടയിമെന്റ്സ് പ്രൈവറ്റ് ലിമിറ്റഡ്, വെസ്റ്റൺഘട് സ് പ്രൊഡക്ഷൻസ് എന്നീ ബാനറുകളിൽ ശരണ്യ, ഡോക്ടർ അമർ രാമചന്ദ്രൻ എന്നിവരാണു നിർമ്മാണം. വരികൾ സുഹൈൽ കോയ, സംഗീതം വിഷ്ണു വിജയ്, എഡിറ്റിങ് കിരൺദാസ്.
