നവാഗതനായ ശരത് ചന്ദ്രൻ സംവിധാനം ചെയ്ത് വിജയരാഘവൻ പ്രധാനകഥാപാത്രമായി എത്തുന്ന ചിത്രം ഔസേപ്പിന്റെ ഒസ്യത്ത്’ചിത്രീകരണം ആരംഭിച്ചു. മെഗൂർ ഫിലിംസിന്റെ ബാനറിൽ എഡ്വേർഡ് ആന്റണി ആണ് നിർമ്മാണം. മതാചാര്യൻമാരായ ഫാദർ ജോമിൻ, അനീഷ് തിരുമേനി, നിസാമുദ്ദീൻ ഉസ്താദ് എന്നിവരുടെ നേതൃത്വത്തിലാണ് ചിത്രത്തിന്റെ പൂജചടങ്ങുകൾ നിർവഹിച്ചത്. എഡ്വേർഡ് ആൻറണി സ്വിച്ചോൺ കർമ്മവും എക്സിക്യൂട്ടീവ് പ്രൊഡ്യൂസർ സുശീൽ തോമസ് ഫസ്റ്റ് ക്ലാപ്പും നല്കി.
നിർമാതാവ് എഡ്വേർഡ് ആൻറണി, വിജയരാഘവൻ, സംവിധായകൻ ശരത്ചന്ദ്രൻ, ജോജി മുണ്ടക്കയം, ഹേമന്ത് മേനോൻ, അഞ്ജലി കൃഷ്ണ, സുശീൽ തോമസ്, സ്ലീബാ വർഗീസ്, ഹസൽ ഹസൻ എന്നിവർ ഭദ്രദീപം തെളിയിച്ചു. ഒരു ഇമോഷണൽ ഫാമിലി ഡ്രാമയാണ് ഈ ചിത്രം. ദിലീഷ് പോത്തൻ, കലാഭവൻ ഷാജോൺ, ജോജി മുണ്ടക്കയം, അഞ്ജലി കൃഷ്ണ, സെറീൻ ശിഹാബ്, ശ്രീരാഗ്, കനി കുസൃതി, സജാദ് ബ്രൈറ്റ്, ഹേമന്ത് മേനോൻ, ജയിംസ് എല്യാ തുടങ്ങിയവരും പ്രധാനകഥാപാത്രമായി എത്തുന്നു. ഫസൽ ഹസ്സനാണ് തിരക്കഥ എഴുതിയത്. സംഗീതം സുമേഷ് പണിക്കർ, ഛായാഗ്രഹണം അരവിന്ദ് കണ്ണാബിരൻ, എഡിറ്റിങ് ബി. അജിത്ത് കുമാർ, ഏലപ്പാറ, പീരുമേട് ഭാഗങ്ങളിലായി ചിത്രത്തിന്റെ ഷൂട്ടിംഗ് പൂർത്തിയാകും
