മലയാളികൾ ആകാംക്ഷയോടെ കാത്തിരിക്കുന്ന ബ്ലെസ്സി- പൃഥ്വിരാജ് ചിത്രം ആടുജീവിതത്തിന്റെ ഏറ്റവും പുതിയ ടീസർ പുറത്തിറങ്ങി. ബെന്യാമിന്റെ മാസ്റ്റർപീസ് നോവൽ ആടുജീവിതമാണ് സിനിമയുടെ കഥ. ഗംഭീരമായ മേക്കോവർ കൊണ്ടും അഭിനയം കൊണ്ടും ഓരോ ട്രയിലറിലൂടെയും പ്രേക്ഷകരെ വിസ്മയിപ്പിക്കുകയാണ് പൃഥ്വിരാജ്. മാർച്ച് 28 ന് ഒരു പാൻഇന്ത്യൻ സിനിമയായി ആടുജീവിതം തിയ്യേറ്ററുകളിൽ പ്രദർശനത്തിന് എത്തും. മലയാളത്തിന് പുറമെ ചിത്രം തെലുങ്ക്, ഹിന്ദി, തമിഴ്, കന്നഡ തുടങ്ങിയ ഭാഷകളിലേക്കും സിനിമ എത്തും.
2018- ലാണ് ചിത്രത്തിന്റെ ഷൂട്ടിംഗ് ആരംഭിച്ചത്. 2022 ജൂലൈ 14 ന് ചിത്രത്തിന്റെ ഷൂട്ടിംഗ് പൂർത്തിയാക്കി. ജോർദാനിൽ വെച്ചായിരുന്നു ചിത്രത്തിന്റെ സിംഹഭാഗവും ഷൂട്ടിംഗ് നടത്തിയത്. ഏപ്രിൽ 10 ന് റിലീസ് തെയ്യതി തീരുമാണിച്ചിരുന്നു എങ്കിലും പിന്നീടത് മാർച്ച് 28 ലേക്ക് മാറ്റുകയായിരുന്നു. വിഷ്വൽ റൊമാനസിന്റെ ബാനറിൽ ഒരുങ്ങുന്ന ചിത്രത്തിൽ നജീബ് എന്ന പ്രധാന കഥാപാത്രമായാണ് പൃഥ്വിരാജ് എത്തുന്നത്. ഹോളിവുഡ് നടൻ ജിമ്മി ജിൻ ലൂയിസ്, കെ ആർ ഗോകുൽ, അമല പോൾ, താലിബ് അൽ ബലൂഷി, റിക്കാബി തുടങ്ങിയവരും പ്രധാന വേഷത്തിൽ എത്തുന്നു. അഞ്ചുവർഷത്തെ നീണ്ട കഠിന പ്രയത്നത്തിന്റെ ഫലമാണ് ആടുജീവിതം ചലച്ചിത്ര രൂപത്തിൽ പ്രേക്ഷകർക്ക് മുന്നിൽ എത്തുന്നത്. ഛായാഗ്രഹണം സുനിൽ കെ എസ്, എഡിറ്റിങ് ശ്രീകർ പ്രസാദ്, സംഗീതം എ ആർ റഹ്മാൻ, ശബ്ദരൂപകല്പ്പന റസൂൽ പൂക്കുട്ടി.
