തമിഴ് ചിത്രമായ ‘റീലി’ല് ഉദയ രാജ് എന്ന നായകവേഷത്തിലെത്തി ശ്രദ്ധേയനായ ബിജോയ് കണ്ണൂര് മലയാളത്തില് അരങ്ങേറ്റം കുറിക്കുന്ന ആദ്യ ചിത്രം ‘വള്ളി ച്ചെരുപ്പ്’ സെപ്തംബര് 22- നു തിയ്യേറ്ററിലേക്ക്. ‘റീലി’ലൂടെ തമിഴകത്ത് സുപരിചിതനാണ് ബിജോയ് കണ്ണൂര്. എഴുപതുകാരനായ മുത്തശ്ശന്റെ വേഷത്തിലാണ് ഇദ്ദേഹം വള്ളിച്ചെരുപ്പില് എത്തുന്നത്. മുത്തച്ഛനും കൊച്ചുമകനും തമ്മിലുള്ള ആത്മബന്ധത്തിന്റെ കഥപറയുന്ന ചിത്രമാണിത്. ഏഷ്യാനെറ്റ് പ്ലസിലൂടെ പ്രേക്ഷകര്ക്കിടയിലേക്കെത്തിയ ചിന്നുശ്രീ വല്സലനാണ് നായികയായി എത്തുന്നത്.
മാസ്റ്റര് ഫിന് ബിജോയ്, ദിവ്യ ശ്രീധര്, സാജന് സൂര്യ, കൊച്ചു പ്രേമന്, എസ് ആര് ശിവരുദ്രന്, അനൂപ് ശിവദാസന്, തുടങ്ങിയവരും ചിത്രത്തില് പ്രധാന കഥാപാത്രങ്ങളായി എത്തുന്നു. ശ്രീമുരുകാ മൂവി മേക്കേഴ്സിന്റെ ബാനറില് സുരേഷ് സി എന് നിര്മ്മിക്കുന്ന ചിത്രത്തിന്റെ തിരക്കഥ സംവിധാനം ശ്രീഭാരതിയും എഡിറ്റിങ് ശ്യാം സാംബസദാശിവനും കഥ ബിജോയ് കണ്ണൂരും ഛായാഗ്രഹണം റിജു ആര് അമ്പാടിയും നിര്വഹിക്കുന്നു.
