കഥ – തിരക്കഥ- സംഭഷണം – സംവിധാനം സുരേഷ് ഉണ്ണികൃഷ്ണൻ; ‘എഴുത്തോല’ ജൂലൈ 5 മുതൽ തിയ്യേറ്ററുകളിലേക്ക്

സുന്ദർബൻ ഇന്റർനാഷണൽ ഫിലിംഫെസ്റ്റിവലിൽ മികച്ച നറേറ്റീവ് ഫീച്ചർ, മികച്ച നവാഗത സംവിധായകൻ, മികച്ച പശ്ചാത്തല സംഗീതം, മികച്ച വിദ്യാഭ്യാസ ചിത്രം എന്നീ മേഖലകളിൽ നിരവധി പുരസ്കാരങ്ങൾ കരസ്ഥമാക്കിയ ചിത്രം ‘എഴുത്തോല’ ജൂലൈ അഞ്ചുമുതൽ തിയ്യേറ്ററുകളിൽ പ്രദർശനത്തിന് എത്തും. നിഷ സാരംഗ് ആണ് പ്രധാനകഥാപാത്രമായി എത്തുന്നത്. ടി ശങ്കറും സതീഷ് ഷേണായിയും ചേർന്നാണ് ചിത്രം നിർമ്മിക്കുന്നത്. ശങ്കർ, കൃഷ്ണപ്രസാദ്, ഹേമന്ദു മേനോൻ, ഗോപൻ മങ്കാട്ട്, പോളി വൽസൻ, സ്വപ്ന പിള്ള, രഞ്ജിത് കലാഭവൻ, ജയകൃഷ്ണൻ, സുന്ദര പാണ്ഡ്യൻ, മാസ്റ്റർ ജെറാമി, മാസ്റ്റർ ശ്രീയാൻഷ്, എല്ലാ മരിയ, പ്രഭു,അനുപമ, എന്നിവർ പ്രധാനകഥാപാത്രങ്ങളായി എത്തുന്നു. വരികൾ കൈതപ്രം ദാമോദരൻ നമ്പൂതിരി, ഒളപ്പമണ്ണ, ബിലു വി നാരായണൻ, സംഗീതം മോഹൻ സിതാര, പ്രശാന്ത് കർമ്മ, ഛായാഗ്രഹണം ശ്രീജിത്ത് പാച്ചേനി.