ഇന്ദ്രൻസും ശങ്കറും പ്രധാന വേഷത്തിലെത്തുന്ന ചിത്രം ഒരു വാതിൽ കോട്ട’യുടെ ഫസ്റ്റ് ലുക്ക് പോസ്റ്റർ റിലീസ് ചെയ്തു. കേരള സാംസ്കാരിക വകുപ്പ് മന്ത്രി സജി ചെറിയാൻ സിനിമയുടെ എക്സിക്യൂട്ടീവ് പ്രൊഡ്യൂസർ അഡ്വ: ഡോക്ടർ വിജയന് കൈമാറി പ്രകാശനം ചെയ്തു. ബ്ലൂമൌണ്ട് ക്രിയേഷന് വേണ്ടി ഫുട്ട്ലൂസെഴ്സ് അവതരിപ്പിക്കുന്ന ചിത്രം സംവിധാനം ചെയ്യുന്നത് ആർ. ശ്രീനിവാസനാണ്. ലഹരിമാഫിയയുടെ പിടിയിലകപ്പെട്ട ചെറുപ്പക്കാരുടെ ജീവിതത്തെ പ്രമേയമാക്കിക്കൊണ്ടുള്ള ഈ സിനിമ ഹൊറർ സ്വഭാവമുള്ളതാണ്.
ഇന്ദ്രൻസ്, ശങ്കർ, നെൽസൺ, ചാർമ്മിള, ഗീത വിജയൻ, രമ്യ പണിക്കർ, മിഥുൻ മുരളി, അഞ്ജലി കൃഷ്ണ, കൃഷ്ണ പ്രിയദർശൻ, തങ്കച്ചൻ വിതുര, പൂജപ്പുര രാധാകൃഷ്ണൻ, മുരളി ചന്ദ്, വിഷ്ണു പ്രിയ, ജയകുമാർ, സുബ്ബലക്ഷ്മി, ജ്യോത്സവർഗീസ്, വഞ്ചിയൂർ പ്രവീൺ കുമാർ, സനീഷ്, മനു സി കണ്ണൂർ, ആർ കെ, സാബു വിക്രമാദിത്യൻ, മഞ്ജിത്ത് എന്നിവർ കഥാപാത്രങ്ങളായി എത്തുന്നു. ഛായാഗ്രഹണം ബാബു രാജേന്ദ്രൻ, കഥ- തിരക്കഥ അഖിലൻ ചക്രവർത്തി, എഡിറ്റിങ് വിഷ്ണു കല്യാണി, ഗാനരചന എസ് ദേവദാസ്, ജയകുമാർ, കൃഷ്ണ പ്രിയദർശൻ, സംഗീതം മിഥുൻ മുരളി, ആർ സി അനീഷ്, രഞ്ജിനി സുധീരൻ, ആലാപനം വിധു പ്രതാപ്, ജാസി ഗിഫ്റ്റ്, ജ്യോത്സന, ആര്യ, ജ്യോതിർമയി, മണക്കാട് ഗോപൻ.
