ആഷിക് അബൂ സംവിധാനം ചെയ്യുന്ന ‘റൈഫിൾ ക്ലബ്’ എന്ന ചിത്രത്തിൽ സുരേഷ് കൃഷ്ണ നായകനായി എത്തുന്നു. ഡോ: ലാസർ എന്ന കഥാപാത്രമായാണ് സുരേഷ് കൃഷ്ണ എത്തുന്നത്. നിരവധി സിനിമകളിൽ വില്ലൻ കഥാപാത്രമായി നിറഞ്ഞു നിന്ന അഭിനേതാവ് എന്ന നിലയിൽ പ്രേക്ഷകർക്കിടയിൽ സുപരിചിതനാണ് സുരേഷ് കൃഷ്ണ. ബോളിവുഡ് സംവിധായകനും അഭിനേതാവുമായ അനുരാഗ് കശ്യപും ചിത്രത്തിൽ പ്രധാനകഥാപാത്രമായി എത്തുന്നുണ്ട്. മലയാളത്തിൽ അനുരാഗ് കശ്യപ് ആദ്യമായി അഭിനയിക്കുന്ന സിനിമയാണ് റൈഫിൾ ക്ലബ്. ഒപി സിനിമാസിന്റെ ബാനറിൽ ആഷിഖ് അബൂ, വിൻസെന്റ് വടക്കൻ, വിശാൽ വിൻസെന്റ് ടോണി എന്നിവർ ചേർന്ന് നിർമ്മിക്കുന്ന ഈ ചിത്രം ഉടൻ തിയ്യേറ്ററുകളിലേക്ക് പ്രദർശനത്തിന് എത്തും.
ദിലീഷ് പോത്തൻ, വാണി വിശ്വനാഥ് എന്നിവരും ചിത്രത്തിൽ പ്രധാനകഥാപാത്രങ്ങളായി എത്തുന്നുണ്ട്. ഛായാഗ്രഹണം ആഷിക് അബൂ ആണ് നിർവഹിക്കുന്നത്. വിനീത് കുമാര്,വിജയരാഘവന്, റാഫി, സുരേഷ് കൃഷ്ണ, ഹനുമാൻകൈൻഡ്, സെന്ന ഹെഗ്ഡേ, സുരഭി ലക്ഷ്മി, നാദേശ് ഹെഗ്ഡേ, പ്രശാന്ത് മുരളി, വിഷ്ണു അഗസ്ത്യ, ദർശന രാജേന്ദ്രൻ, പൊന്നമ്മ ബാബു, സജീ കുമാർ, രാമു, ഉണ്ണി മുട്ടത്ത്, ഉണ്ണിമായ പ്രസാദ്, വൈശാഖ് ശങ്കർ തുടങ്ങിയവർ മറ്റ് പ്രധാനകഥാപാത്രങ്ങളായി അഭിനയിക്കുന്നു. ദിലീഷ് നായർ, ശ്യാം പുഷ്കരൻ, ഷറഫു, സുഹാസ് എന്നിവർആണ് തിരക്കഥ. സംഗീതം റെക്സ് വിജയൻ, എഡിറ്റർ വി. സാജൻ.
